عاهاتك يا وطن
Posted by: Amr Abu-Hmeidan | 07/06/2006, 01:59والله الواحد بطّل يلحّق عهالعاهات في هالبلد...و الحلو أنّهم صاروا يتنكّروا بهيئة ناس بتفهم... عشان عنصر المفاجأة يعني؟؟!! أوّل كان الموضوع بسيط بتشوف عاهة عن بعد 24 متر و نص بتعرف أنّه عبيط و بتتركه لحاله بذبل و بموت... هسّة صار الوظع غير...صاروا يتخفّوا و صار لازمك 24 سنة و نص عشان تعرف أنّه عاهة...يا حبيبي...
طبعاً في كثير ناس صاروا مهتميّن في هذا الموضوع و هظول الناس بعملوا دراسات دقيقة حولين هالموظوع... و اخرها دراسة اجراها الزميل عوني ...و بدأ بطرح السؤال "ما نسبة الطالح إلى الصالح من مواطنين البلد؟" و بعد فحوص و تحاليل استمرّت 3 ثواني "هذه المدّة غير كافية لوصول المعلومة الى الدماغ" أفادت الدراسة أنّو النسبة تقريبيّة بس هيّة في حدود 80% إلى 20% على الترتيب... يعني باختصار هالعاهات اتغلغلوا و وصلوا جميع مجالات الحياة...يعني صار الواحد يلاقيهم في البيت ،في الشغل ،في الشارع ،في علاقاته الشخصية حتى في سيّارتو الواحد بلاقي عاهات... حتى بتشتغل مشروع برّة البلد بطلعلك الزبون عاهة كمان... يعني الأردن صفّت مغناطيس للعاهات... معقول؟؟
صراحة يا جماعة أنا وصلت لمرحلة من الاشباع من الحالات اللّي صادفتها و حاب أقول أنّي وصلت لقرار... بدّي أهرب من البلد... وبدّي أسقط كل الشعارات الوطنيّة الّلي كنت أنادي فيها...و بنصح الّلي عنده شويّت مخ يفركها...أي نعم الشاعر قال:
بس أرحمنا يا وطن، انت و عاهاتك يا وطن...
Hilarious, amr!!!!!
Ee walla ya kether il 3ahat fil balad. 3indna ou 3endkom khair… Ya3ni mathalam mathalam shoof majlis il 3ahat (il 3ahlaman) ely 3edna.. 3ahat masfoofa janb ba3ad..
To me, when they’re not getting on my nerves and making the blood boil with frustration in my veins, they are actually a comic relief..
Cheers ;) Good one!
Posted by MooL 07/06/2006, 04:35